Pamior akcior Kupałaŭskaha teatra Fama Varaniecki
«Sumnaja navina. Pajšoŭ z žyćcia praŭdzivy kupałaviec, naš dobry siabra, nastaŭnik i natchnialnik, akcior i mastak Fama Varaniecki. Śvietłaja pamiać, spačuvańni rodnym i blizkim», — napisali «Svabodnyja Kupałaŭcy».
Fama Varaniecki naradziŭsia 23 sakavika 1938 hoda ŭ Traskoŭščynie pad Minskam. Zasłužany artyst Biełarusi (1990).
Byŭ akcioram Kołasaŭskaha teatra ŭ Viciebsku, akcioram Kupałaŭskaha — z 1971 hoda. Z 1990 vykładaŭ u Biełaruskaj akademii mastactvaŭ (prafiesar).
Napačatku vykonvaŭ roli hierojaŭ, potym pieravažna charaktarnyja. Siarod lepšych rolaŭ u teatry imia Ja. Kołasa: Raskolnikaŭ («Złačynstva i pakarańnie»), Leanidzik («Moj biedny Marat»), Viktar («Varšaŭskaja miełodyja»); u teatry imia Ja. Kupały: Salanik («Radavyja»), Panič («Raskidanaje hniazdo»), Žabrak («Straści pa Aŭdzieju»), Nastaŭnik («Biezymiennaja zorka»), Kleon («…Zabyć Hierastrata!»).
