Maryja Kaleśnikava trapiła ŭ reanimacyju homielskaj balnicy
Pra špitalizacyju Maryi Kaleśnikavaj paviedamiŭ telehram-kanał Viktara Babaryki, spasyłajučysia na jaje advakata.
Na hety momant viadoma, što palitźniavolenaja znachodzicca ŭ balnicy chutkaj dapamohi Homiela ŭ reanimacyjnym adździaleńni. Hetu infarmacyju paćvierdzili advakatu ŭ balnicy.
Papała jana tudy 28 listapada, špitalizavali Maryju ŭ pieršaje chirurhičnaje adździaleńnie. Pierad hetym prachodziła infarmacyja, što Kaleśnikavu źmiaścili ŭ ŠIZA, ale nie było źviestak, kali i nakolki jana tudy trapiła.
Usich palitźniavolenych pieryjadyčna, časam na praciahły termin, źmiaščajuć u ŠIZA (u karcar) biez padstaŭ dla taho. Vyhladaje, što taki zahad u kałonii pryjšoŭ źvierchu, bo takaja infarmacyja dachodzić z usich IK, choć stupień žorstkaści abychodžańnia z palitviaźniami, miarkujučy pa najaŭnaj infarmacyi, u roznych kałonijach roznaja, i heta zaležyć ad kiraŭnictva ustanoŭ.
Paźniej u kanale Viktara Babaryki źjaviłasia dadatkovaja infarmacyja:
«Mašu pryvieźli ŭ balnicu z chirurhičnaj patałohijaj i praapieravali 28 listapada. Ciapier jana ŭ stabilna ciažkim stanie z palapšeńniem. Zaŭtra pavinny pieravieści ŭ chirurhičnaje adździaleńnie».
Vydańnie «Zierkało» na padstavie svaich krynic śćviardžaje, što ŭ Kaleśnikavaj byli prablemy sa straŭnikam.
Kali vy ci vašy znajomyja pracujuć u balnicy Homiela i vy majecie bolš infarmacyi pra Maryju Kaleśnikavu, pišycie nam u @nasa_niva_bot ci na [email protected]. Albo — asabista tym žurnalistam i redaktaram «Našaj Nivy», jakich vy viedajecie i jakim daviarajecie (lepš — u sihnał ci telehram).
«Naša Niva» — bastyjon biełaruščyny
PADTRYMAĆ
