Rasija vykarystoŭvaje suprać Ukrainy staryja rakiety, zdymajučy ź ich jadziernyja bojehałoŭki
U čarhovaj zvodcy brytanskaj raźviedki skazana, što rasijskija vajskoŭcy vykarystoŭvajuć suprać Ukrainy staryja kryłatyja rakiety, pryznačanyja dla naniasieńnia jadziernych udaraŭ. Pa danych Ministerstva abarony Vialikabrytanii, ź ich papiarednie zdymajuć jadziernyja zarady i zapuskajuć rakiety bieź jakoj-niebudź bojehałoŭki.
«Na apublikavanych u adkrytych krynicach fotazdymkach bačnyja abłomki rakiety pavietranaha bazavańnia AS-15 Kent [tak u kłasifikacyi NATA nazyvajuć rakiety Ch-55], jakaja była, vidavočna, źbitaja», — skazana ŭ zvodcy.
Jak nahadvaje brytanskaja raźviedka, hetyja rakiety byli stvoranyja ŭ 1980-ja hady vyklučna jak srodak dastaŭki jadziernych bojeprypasaŭ. Pry hetym bojehałoŭka z rakiety, jakuju vykarystoŭvali padčas udaru pa Ukrainie, była źniataja i, vierahodna, zamienienaja bałastam.
«Choć takaja iniertnaja zbroja moža nanieści niejkuju škodu za košt kinietyčnaj enierhii, jakoj vałodaje rakieta, i niavykarystanaha paliva, jana naŭrad ci zmoža dakładna parazić zapłanavanuju cel», — paviedamlaje brytanskaje Ministerstva abarony.
Na dumku brytanskaj raźviedki, Rasija «chutčej za ŭsio spadziajecca, što takija rakiety buduć słužyć u jakaści łžyvych mišeniej i zmohuć adciahnuć uvahu sistem supraćpavietranaj abarony».
rasieja biezumoŭna monstr. ale jana asabliva i nie chavaje svoj tvar. a voś zachad - heta vaŭki ŭ aviečaj škury
Polšča pieradała (i toje zdajecca ŭ kredyt) staryja savieckija tanki, spadziejučysia atrymać sabie uzamien nataŭskija bolš novyja... i nie tolki Polšča... abnavić, tak by mović, "aŭtapark" za košt žyćcia ŭkraincaŭ
čuš nie nado mołotiť. vo piervych Polša pieriedała modiernizirovannyje tanki kotoryje sostojali na vooružienii u polakov. vo vtorych na etich tankach nie nado było trienirovať ukrainskije ekipaži a mašiny byli nužny sročno. v zamien polakam było obieŝany amierikanskije mašiny. i eto vpołnie normalno ibo oholať svoju oboronu strana nie možiet. nu i poślednieje nie v kriedit Ukrainie, Amierika zapłatiła kak vojennaja pomoŝ.