U Biełarusi, zdajecca, znajšli zamienu Tetra Pak
Minsk viadzie pieramovy z kitajskaj kampanijaj u pošukach alternatyvy ŭpakoŭcy dla małaka praciahłaha terminu zachoŭvańnia. Pra heta paviedamiła pres-słužba Minsielhascharča.
Frahmient pieramoŭ. Fota: Minsielhascharč
U Minsielhascharčy prajšli pieramovy z pradstaŭnikami kitajskaj kampanii Lutta-pak pa pytańni pastaŭki ŭpakoŭki biełaruskim pradpryjemstvam pa vytvorčaści małočnaj pradukcyi.
«Baki ŭ pazityŭnym klučy acanili płany kampanii pa arhanizacyi prodažaŭ i płanavańni vytvorčaści asieptyčnaj upakoŭki», — paviedamiła pres-słužba viedamstva.
U ministerstvie nie ŭdakładniajuć, ci dasiahnuta kančatkovaja damoŭlenaść. Ale viadoma, što ŭ bližejšy čas kitajskija partniory prajeducca pa małočnych zavodach «dla ŭdakładnieńnia jakasnych i techničnych charaktarystyk».