Doktar nazvała pryščepki, jakija dapamohuć pry trydemii vosieńniu i zimoj 2022 hoda
Infiekcyjanisty i virusołahi va ŭsim śviecie zaniepakojenyja mikst-infiekcyjaj, tak zvanaj trydemijaj, kali pacyjenty padchoplivajuć adrazu COVID-19, hryp i reśpiratorna-sincytyjalny virus.
Pra heta raskazała hałoŭny ŭrač Minskaha haradskoha centra hihijeny i epidemijałohii Śviatłana Jarmak.
Pa słovach miedyka, kali ŭ arhaniźmie čałavieka pasialajucca try virusy adnačasova, to heta značna pavyšaje ryzyku ciažkaj chvaroby, surjoznych uskładnieńniaŭ dla sardečna-sasudzistaj, lohačnaj sistem, taksama pavyšaje ryzyku doŭhich špitalizacyj i reabilitacyj. Pry trydemii nie redkaść dvuchbakovyja pnieŭmanii, invalidnaść. Mahčymy i śmiarotny zychod.
Śviatłana Jarmak padkreśliła, što reśpiratorna-sincytyjalny virus čaściej za ŭsio vyjaŭlajecca ŭ dziaciej da hoda i pažyłych ludziej, jakim bolš za 65 hadoŭ. Hety virus charaktaryzujecca źjaŭleńniem branchitaŭ i branchijalitaŭ.
Miedyk jašče raz adznačyła nieabchodnaść pryščepak, u pieršuju čarhu praviadzieńnie bustarnych vakcynacyj ad karanavirusa i štohadovych ad hrypu.
— Navat vakcynacyja suprać hrypu daje nam mahčymaść abarony ad mnohich vostrych reśpiratornych virusnych infiekcyj. Kožnaja vakcynacyja daje stymuł imunitetu, — padkreśliła Śviatłana Jarmak.
