Miemy, zdrada i pryčoska: hety francuz dvojčy zabiŭ Aŭstralii, ale prasłaviŭsia nie tolki futbołam
Hulniavy dzień 22 listapada zakryła hulnia pamiž Francyjaj i Aŭstralijaj. Hierojem matča, jaki pradkazalna vyjhrali francuzy ź likam 4:1, staŭ forvard jeŭrapiejcaŭ Aliŭje Žyru, jaki dvojčy zabiŭ u varoty supiernika. Akramia Žyru, u hulni z aŭstralijcami adznačylisia Rabjo i Mbape.
Fota: AR
Žyru niemałady, jamu ŭžo 36 hadoŭ. U karjery francuza byli kłuby jaho rodnaj krainy, brytanskija «Arsienał» i «Čełsi» i italjanski «Miłan», dzie ciapier i hulaje forvard. Uvohule, na karjeru Žyru narakać nie prychodzicca: jon moža pachvalicca čempijonstvami ŭsich troch krain, dzie hulaŭ, pieramohami ŭ Lizie Jeŭropy i Lizie Čempijonaŭ, a jaho rodnaja nacyjanałka stała čempijonam śvietu na rasijskim ČS-2018.
Žyru viadomy nie tolki futbolnymi pośpiechami, ale i skandałami. Adzin ź ich mocna paškodziŭ karjery futbalista.
U 2011 hodzie hety francuz ź italjanskimi karaniami ažaniŭsia sa svajoj daŭniaj siabroŭkaj Dženifier, a praź jašče dva hady ŭ pary naradziłasia dačka Džejd. Siamja vyhladała mocnaj, ale akazałasia, što heta tolki iluzija. Stała viadoma, što pierad hulnioj z anhlijskim kłubam «Krystał Pełas» u try hadziny nočy pakoj francuza ŭ hateli naviedała dziaŭčyna — madel nižniaj bializny Sielija Kej.
Spačatku Žyru admaŭlaŭ zdradu, ale paźniej brytanskaja hazieta The Sun paviedamiła, što maje fotadokazy zabaronienaj suviazi. I tady Aliŭje vybačyŭsia, pryčym nie tolki pierad žonkaj, ale i pierad kłubam, bo dapuściŭ parušeńnie spartovaha režymu i pavinien byŭ u noč pierad hulnioj spać. Paźniej, adnak, francuz nastojvaŭ, što zdrady ŭsio ž nie było.
Na niekatory čas mužčyna sieŭ na łaŭku zapasnych i pačaŭ naviedvać siamiejnaha psichaterapieŭta, kab zalačyć svoj šlub. Vidać, dapamahło: u 2016 hodzie žonka naradziła jamu syna Evana, a paźniej jašče adnaho syna Aarana i dačku Aryju.
Ciapier forvard vyhladaje ŭzornym siemjaninam i nie traplaje ŭ skandały. Na jaho ščytkach — fota siamji, imiony žonki i dziaciej i Kubak śvietu, na bucach — imiony dziaciej i ściah Francyi. Aliŭje lubić italjanski desiert tyramisu, što nahadvaje jamu pra italjanskija karani, i z asablivaj ciepłynioj zhadvaje tyramisu svajoj babuli.
Darečy, pra kulinaryju: u ruskamoŭnym siecivie Aliŭje — hieroj šerahu miemaŭ, źviazanych z tym, što zavuć jaho hetak ža, jak hučyć nazva papularnaj na postsavieckaj prastory navahodniaj sałaty.
Fota: Instagram / THILL.OLIVIER
Fota: Instagram / THILL.OLIVIER
Žyru — pratestant-jevanhielist, na pravaj ruce ŭ jaho tatu ŭ vyhladzie cytaty z 23 psałma na łatyni «Dominus regit me et nihil mihi deerit» («Haspodź — pastyr moj, ja nijakaj niastačy nie miećmu»). Aliŭje raskazvaŭ, što pierad hulniami pramaŭlaje karotkuju malitvu i što viera dapamahaje jamu kožny dzień.
Narešcie, heta prosta vielmi pryvabny mužčyna, jaki viedaje pra svaju pryhažość. Žyru hladzić svaju pryčosku da šalenstva: «Maje adnakłubniki zaŭsiody žartujuć ź mianie, tamu što maje vałasy zaŭsiody ŭ paradku padčas hulni. Navat paśla hulni jany ŭ normie, i chłopcy žadajuć viedać, jak heta mahčyma. Sakret prosty — vosk i łak na mokruju hałavu. Praŭda, kali mnie davodzicca šmat razoŭ hulać hałavoj, pryčoska psujecca, ale heta narmalna».
Siensacyja: Saudaŭskaja Aravija pieramahła Arhiencinu
Top-11 samych haračych futbalistaŭ čempijanatu śvietu (+ łaŭka zapasnych i trenier)
Fany «Eviertana» pajšli šukać piva ŭ Katary, a trapili da lvoŭ
