Chłopčyk, na jakoha ŭpali futbolnyja varoty, pa-raniejšamu ŭ reanimacyi
Dzicia, jakoje paciarpieła 12 listapada, kali na jaho ŭpali niezamacavanyja futbolnyja varoty da hetaha času znachodzicca ŭ reanimacyi ŭ ciažkim stanie, chłopčyk padklučany da štučnaj sistemy vientylacyi lohkich, paviedamlaje pres-słužba Ministerstva achovy zdaroŭja.
Jak tolki chłopčyk trapiŭ u RNPC nieŭrałohii i niejrachirurhii, byli pryniatyja ŭsie mahčymyja miery, kab vyratavać jamu žyćcio. Viadučyja śpiecyjalisty centra apieratyŭna praviali nieabchodnaje apieratyŭnaje ŭmiašańnie z metaj dekampresii traŭmy hałaŭnoha mozhu.
Jak paviedamlaje Ministerstva achovy zdaroŭja, siońnia ŭ RNPC nieŭrałohii i niejrachirurhii prajšoŭ kansilium z udziełam ministra achovy zdaroŭja Dźmitryja Pinieviča, dyrektara RNPC Ryšarda Sidaroviča, viadučych niejrachirurhaŭ centra, śpiecyjalistaŭ kafiedraŭ nieŭrałohii i niejrachirurhii, aniestezijałohii i reanimacyi. Na naradzie miedyki abmierkavali mahčymaści prymianieńnia roznych mietodyk lačeńnia paciarpiełaha padletka.
Ciapier u reanimacyi RNPC pravodzicca miedykamientoznaje lačeńnie ciažkaj čerapna-mazhavoj traŭmy.
Čytajcie taksama:
U Minsku 12-hadovaha chłopčyka prycisnuła futbolnymi varotami. Jon u reanimacyi
