Zialenski nie bačyć u biełarusaŭ žadańnia vajavać z Ukrainaj
Prezident Ukrainy Uładzimir Zialenski padčas razmovy z žurnalistami ŭ efiry telemarafonu 16 listapada zajaviŭ, što pa stanie na siońnia biełarusy, na jahonuju dumku, nie bačać sensu i nie majuć žadańnia vajavać z Ukrainaj.
Fota: Ofis prezidenta Ukrainy
«My ličym, što na siońnia sensu nastupleńnia ŭ biełarusaŭ na terytoryju našaj dziaržavy niama. I žadańnia ŭ ichniaha hramadstva tam niama, a ŭ našaha — tym bolš».
Na remarku žurnalista, što Ukraina, vidavočna, robić usio mahčymaje, kab pierakanać Biełaruś nie vajavać, Zialenski adznačyŭ:
«My šmat u čym kahości pierakonvajem, heta častka našaj pracy — nie adkryvać šmat frantoŭ».
Ale ŭ toj ža čas jon paćvierdziŭ, što ciapier (paśla rakietnych udaraŭ Rasii z terytoryi Biełarusi) nijakich kantaktaŭ pamiž Ukrainaj i režymam Łukašenki niama.
