Paśla abstrełu ŭkrainskich haradoŭ uźnikli prablemy z elektryčnaściu ŭ Małdovie
Adklučyłasia linija Vułkaniešty-Isakča, pa jakoj Małdova impartuje elektraenierhiju z Rumynii. Nazirajucca pieraboi ŭ Prydniastroŭi, Bielcach, Kahule, Sarokach, Bienderach i navat u Kišyniovie, dzie spynilisia tralejbusy.
Fota ilustracyjnaje
«U vyniku abstrełu Rasijaj ukrainskaj enierhasistemy na praciahu apošniaj hadziny aŭtamatyčna adklučyłasia adna ź linij elektrapieradač, jakaja zabiaśpiečvaje pieradaču elektraenierhii dla našaj krainy (aŭtamatyčny skid nahruzki pa častacie). Heta pryviało da masavych adklučeńniaŭ elektraenierhii pa ŭsioj krainie», — napisaŭ vice-premjer małdoŭskaha ŭrada Andrej Spynu ŭ telehramie.
Va Ukrainie situacyju paśla siońniašnich abstrełaŭ enierhietyčnaj infrastruktury nazvali «krytyčnaj».
Pres-sakratar Ministerstva zamiežnych spraŭ Ukrainy Aleh Nikolenka ŭ suviazi z adklučeńniem elektraenierhii dla Małdovy adznačyŭ: «Heta jašče raz paćviardžaje, što rasijskaja ahresija vyjšła daloka za miežy Ukrainy. Dziejańni Rasii pahražajuć nie tolki biaśpiecy našaj krainy».
Usiaho padčas siońniašniaj ataki pa abjektach krytyčnaj hramadzianskaj infrastruktury Ukrainy rasijanie vypuścili kala 100 rakiet i tym samym pierakryli papiaredni «rekord», ustanoŭleny 10 kastryčnika. Tady było vypuščana 84 rakiety, paviedamiŭ pres-sakratar ukrainskich VPS Juryj Ihnat.
Čytajcie taksama:
Rasija pravodzić masavy rakietny abstreł ukrainskich haradoŭ
