Inžyr — sapraŭdny supierfud i pryrodnaja krynica vitaminaŭ. Siem pryčyn jaho jeści
U Biblii smakoŭnica — a heta i jość usim viadomy inžyr — zhadvajecca šmatkroć. Fihavaje dreva ŭšanoŭvajecca na Uschodzie jak śviaščennaje. Takaja ŭvaha da raśliny nievypadkovaja: jašče tysiačahodździ tamu staražytnyja lekary acanili hajučyja ŭłaścivaści inžyru. Čym ža jon karysny? «Alesia» daviedałasia dla vas pra siem jakaściaŭ trapičnaha płoda, jakija dapamohuć jaho palubić.
Inžyr — sapraŭdny supierfud, unikalnaja pryrodnaja krynica vitaminaŭ i minierałaŭ. Pryčym karysnymi źjaŭlajucca jak śviežyja, tak i sušanyja płady. U ich jość vitaminy S, A, hrupy V (u tym liku folijevaja kisłata), žaleza, kalcyj, kalij, fosfar, nabor aminakisłot. Hetym bahatym składam i vyznačajucca karysnyja ŭłaścivaści inžyru.
— Inžyr zmahajecca z «drennym» chalesterynam, tamu ŭžyvańnie trapičnaha płoda dapamoža ŭ prafiłaktycy aterasklerozu. Kalij, jakim bahataja vinnaja jahada, nieabchodny dla zdaroŭja sardečnaj myšcy. Daktary rekamiendujuć inžyr tym, chto maje prablemy z sercam i sasudami.
— Rehularnaje ŭžyvańnie ekzatyčnaha supierfudu — vydatnaja prafiłaktyka trombaŭtvareńnia. Dyjetołahi vyłučajuć inžyr siarod praduktaŭ, karysnych pry varykozie.
— Dziakujučy pavyšanamu ŭtrymańniu klatčatki, vinnaja jahada spryjaje zmahańniu ź lišniaj vahoj, tamu inžyr uklučajuć u «antytłuščavyja» dyjety.
— Efiektyŭnaść inžyru dla lačeńnia prastudnych zachvorvańniaŭ nie nižejšaja, čym u šypšyńnika i maliny. Trapičnyja płady majuć supraćzapalenčyja, adcharkvalnyja i patahonnyja ŭłaścivaści. Palahčajuć ciačeńnie branchitu i inšych chvarob dychalnych šlachoŭ, a vitamin S u ich składzie ŭmacoŭvaje imunitet i paskaraje vylečvańnie.
— Inžyr dadaść vam sił u zmahańni z depresijaj i biassońnicaj. Aprača vitaminaŭ hrupy V, u im utrymlivajucca mahnij i kalij, jakija palapšajuć nastroj. Da taho ž u inžyry jość polinienasyčanyja tłustyja kisłoty — jany spryjajuć umacavańniu niervovaj sistemy.
— Kalcyj u składzie praduktu — dobraja padtrymka dla kaściej, aporna-ruchalnaha aparatu.
— Inžyr bahaty žalezam, jaho varta ŭklučyć u racyjon pry aniemii. Pa hetaj pryčynie žančynam padčas «krytyčnych dzion» karysna jeści vinnuju jahadu. Pradstaŭnicam pryhožaj pałovy supierfud, bahaty na vitamin Je, dapamoža zachavać maładość — umacuje vałasy i paznohci, zrobić skuru hładkaj.
Akramia pieraličanaha, inžyr dobra čyścić nyrki. Jon bahaty klatčatkaj, jakaja «vymiataje» taksiny z kišečnika, što paspryjaje ŭ prafiłaktycy złajakasnych novaŭtvareńniaŭ.
Vinnaja jahada źjaŭlajecca pryrodnym afradyzijakam — na Uschodzie daŭno zaŭvažyli, što płady smakoŭnicy pryŭnosiać novyja farby ŭ šlubnaje žyćcio.
Dyjetołahi nie rekamiendujuć užyvać zašmat inžyru — dastatkova 3-4 štuki ŭ sutki. Pry hetym varta pamiatać, što ŭ śviežym vyhladzie inžyr u našych šyrotach sustrakajecca niačasta (dalikatnaja jahada nie lubić transparciroŭki), a sušany płod u piać razoŭ bolš kałaryjny, čym śviežy.
Jak i luby supierfud, inžyr karysny nie ŭsim. Dyjetołahi nie rekamiendujuć užyvać jaho pry nastupnych zachvorvańniach:
— padahra;
— cukrovy dyjabiet;
— zapalenčyja zachvorvańni straŭnikava-kišačnaha trakta.
