Chvoraha na reŭmatoidny artryt hamielčuka asudzili da dvuch hadoŭ kałonii
24 kastryčnika ŭ sudzie Čyhunačnaha rajona Homiela ahučyli vyrak 21-hadovamu Jaŭhienu Rahuckamu. Chłopca pryznali vinavatym pavodle č. 1 art. 342 Kryminalnaha kodeksa i asudzili da dvuch hadoŭ kałonii, paviedamlaje «Viasna».
Prysud vynies sudździa Mikałaj Krupadzioraŭ. Mienavita jon vynies prysud Palinie Šarenda-Panasiuk pavodle č. 2 art. 411 Kryminalnaha kodeksa i pryznačyŭ palitźniavolenaj u dadatak da dvuch hadoŭ źniavoleńnia jašče adzin hod u kałonii. Tady Palina stała pieršaj palitźniavolenaj žančynaj ŭ Biełarusi, asudžanaj pa hetym artykule.
Viadoma, što sprava Jaŭhiena Rahuckaha razhladałasia ŭ zakrytym režymie. Da pasiadžeńnia jon amal hod znachodziŭsia pad chatnim aryštam. Jon ź dziacinstva maje zachvorvańnie — reŭmatoidny artryt. Pieršapačatkova paviedamlałasia, što chłopca zatrymali i ŭtrymlivali ŭ IČU Homiela za dopis u telehramie.
Ciapier Jaŭhien utrymlivajecca ŭ SIZA-3. Padtrymać jaho listami salidarnaści, pasyłkami i hrašovymi pieravodami možna pa adrasie: 246003, h. Homiel, vuł. Knižnaja, 1A. Rahuckamu Jaŭhienu Alaksiejeviču.
