Paranili ŭ nahu byłoha premjer-ministra Pakistana. Jaho kartež abstralali padčas maršu pratestu
Były Premjer-ministr Pakistana Imran Chan atrymaŭ kulavoje ranieńnie ŭ ščykałatku, kali abstralali jaho aŭtakałonu za 150 km ad bujnoha horada Łachor na paŭnočnym uschodzie krainy. Chan uznačalvaŭ marš pratestu, jaki ruchaŭsia na stalicu Isłamabad z patrabavańniem daterminovych vybaraŭ, piša Bi-bi-si.
Fota: AP
Siabry partyi byłoha premjera paviedamlajuć, što ŭ vyniku stralaniny paranieny jašče čatyry čałavieki.
Adnaho z napadnikaŭ zastrelili, paviedamiŭ ahienctvu Frans Pres pamočnik eks-premjera Raŭf Chasan. «Jašče adzin mužčyna zatrymany palicyjaj», — dadaŭ jon.
Pa dadzienych pakistanskich ŚMI, 70-hadovy palityk dastaŭleny ŭ balnicu, jaho stan nie vyklikaje apasieńniaŭ u miedykaŭ.
«Heta byŭ zamach na jaho, sproba palityčnaha zabojstva», — zajaviŭ Frans Pres Raŭf Chasan.
