U Minsku całkam pustuje šeść biznes-centraŭ
U 2022 hodzie ŭ stalicy prapanova ofisaŭ značna pieravyšaje popyt. Zaraz svabodnyja pamiaškańni možna znajści ŭ 117 biznes-centrach sa 141, a zapyty na arendu ad ajcišnych kampanij upali bolš čym u dva razy, paviedamlaje ahienctva «Tvaja stalica».
Pa stanie na kaniec kastryčnika 2022 hoda ŭ Minsku naličvaŭsia 141 uviedzieny ŭ ekspłuatacyju biznes-centr (abjektaŭ nieruchomaści, uviedzienych u ekspłuatacyju nie raniej 1996 hoda, ofisnaja płošča jakich składaje bolš za 3 000 kv. m.), čyj sukupny abjom ofisnych płoščaŭ pierasiahnuŭ za adznaku 1,1 młn. kv. m. I heta biez uliku nievialikich administracyjnych budynkaŭ i asobnych ofisaŭ, ubudavanych u žyłyja damy abo handlovyja centry.
Za niapoŭny 2022 hod byli ŭviedzieny ŭ ekspłuatacyju tolki try biznes-centry, z sukupnaj ofisnaj płoščaj kala 20 tys. kv. m., prykładna stolki ž — za minuły 2021 hod. Heta daloka nie rekordnyja abjomy ŭvodu, jakija, naprykład, adznačalisia ŭ 2013-2015 hadach na ŭzroŭni ad 100 da 175 tys. kv. m. u hod.
Ale navat i hetyja štohadovyja 20 tys. kv. m. na dadzieny momant dla Minska možna nazvać zališnimi, pra što śviedčyć štokvartalny antyrekord pa abjomach ofisaŭ, jakija prapanoŭvajucca ŭ arendu.
Pačynajučy z 2020 hoda, abjomy pamiaškańniaŭ dla ofisaŭ, jakija prapanoŭvajucca ŭ arendu, nie pierastajuć pavialičvacca: za 2020 hod +42 tys. kv. m., za 2021 hod +47 tys. kv. m., a za niapoŭny 2022 hod užo +67 tys. kv. m. U vyniku, na siońniašni dzień ofisny rynak Minska ŭščylnuju nabliziŭsia da adznaki 200 tys. kv. m.
Svabodnych ofisaŭ u biznes-centrach — 18 % ad ahulnaha abjomu płoščaŭ, što źjaŭlajecca absalutnym rekordam dla stalicy.
Takim čynam, svabodnyja ofisy možna znajści ŭ 117 biznes-centrach sa 141, pryčym jak minimum 6 biznes-centraŭ možna nazvać całkam pustymi, a jašče 10 biznes-centraŭ majuć svabodnuju płošču dla arendy bolš za 50 %.
U 53 biznes-centrach dastupna pa 1 000+ kv. m., pry hetym mienš za 100 kv. m. tolki ŭ 16 biznes-centrach.
