Znajści
Ałharytmičny łacinski varyjant
27.10.2022 / 18:161RusŁacBieł

Prafsajuzy dałažyli pra źnižeńnie cenaŭ na aharodninu

Pa vynikach štomiesiačnaha prafsajuznaha manitorynhu ŭ kramach Biełarusi zafiksavana źnižeńnie cenaŭ na asnoŭnyja vidy harodniny (bulba, morkva, buraki, časnok, repčataja cybula, jabłyki). Na byłym uzroŭni zastalisia ceny krupaŭ, małočnych praduktaŭ i lekaŭ, paviedamiła pres-słužba Fiederacyi prafsajuzaŭ Biełarusi. I spadziajecca, što nieekanamičnyja mietady rehulavańnia cenaŭ buduć i nadalej tvaryć cudy.

Dziaržaŭnyja prafsajuzy praviali manitorynh cenaŭ z 20 pa 22 kastryčnika. Ich pradstaŭniki, jak śćviardžajecca, naviedali 240 kram pa ŭsioj krainie — jak bujnyja handlovyja sietki, tak i kramy krokavaj dastupnaści.

Za apošni miesiac zafiksavana źnižeńnie koštaŭ na bulbu na 5%, repčatuju cybulu — na 12,3%, morkvu — na 14,7%, buraki — na 9,4%, časnok — na 1,9%, jabłyki — na 15%. U toj ža čas ceny na aŭsianyja šmatki, krupy, małako, masła i kisłamałočnyja pradukty zastalisia takimi, jak i raniej. Spyniŭsia rost cenaŭ na sieladziec, sasiski i sardelki.

Prafsajuźniki bačać u hetym usim prajavu taho, što «prezident mieŭ racyju, kali kazaŭ, što reziervy dla spynieńnia rostu cenaŭ abo źnižeńnia koštu pa asobnych pazicyjach jość. Ciapier my ŭžo nazirajem pieršyja vyniki».

U toj ža čas aktualnym dla ich zastajecca pytańnie: «Što rabić z cenami na tavary, u košt jakich na praciahu hoda zakładvali nieapraŭdanyja valutnyja čakańni i inšyja ryzyki. Ich chto-niebudź viartać na miesca źbirajecca?» I narakajuć, što nadta padaraželi tavary, źviazanyja z utrymańniem aŭtamabila, zaklikajučy razabracca, «adkul taki rost».

«My ličym, što mahčymaści dla źnižeńnia cenaŭ jość, i pytańnie ab cenavaj situacyi na spažyvieckim rynku budzie razhledžana na pasiadžeńni Nacyjanalnaj rady pa pracoŭnych i sacyjalnych pytańniach u listapadzie 2022 hoda», — śćviardžaje namieśnica staršyni FPB Alena Mankievič.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
3
Ха-ха
2
Ого
0
Сумна
0
Абуральна
1
0
Spravka/adkazać/
27.10.2022
[Red. vydalena]
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930