U centry Minska pradajecca kvatera viadomaha kampazitara. Jak jana vyhladaje

Trochpakajovaja kvatera znachodzicca pa adrasie Niezaležnaści, 36. Praz paru damoŭ — hałoŭny ŭvachod u park Horkaha, z akna bačny ŭvachod u mietro. Heta stalinka z trochmietrovymi stolami.

Tut 87,2 «kvadrata» ahulnaj płoščy, 50 ź ich žyłyja. Płaniroŭka dosyć niezvyčajnaja: vyciahnutaja kuchnia znachodzicca pasiaredzinie, a za ścienami sprava i źleva raźmiaščajucca spalni, jość prastornaja haścioŭnia. Sanvuzieł u kvatery sumieščany, 6 kvadratnych mietraŭ. Bałkona niama.

Ramont vykanany ŭ śvietłych tanach. Na padłozie lažyć parkiet. Kvatera hatova da pražyvańnia: zastajecca usia mebla i bytavaja technika, ustanoŭleny ličylniki vady. Jość padvał.

— Dostup u padjezd z «čornaha» i paradnaha ŭvachodu. Akramia taho, dom abstalavany bambaschoviščam, — napisana ŭ abjavie.

Košt kvatery — 197 tysiač dalaraŭ.

Pradaviec kaža, što ŭ kvatery žyŭ Jaŭhien Cikocki. Heta viadomy kampazitar, narodny artyst SSSR. Jon pamior u 1970 hodzie, kali jamu było 76 hadoŭ. Cikocki naradziŭsia ŭ Sankt-Pieciarburhu, ale bolšuju častku žyćcia pražyŭ u Minsku. Jaŭhien Karłavič vykładaŭ u muzyčnaj škole, pracavaŭ kampazitaram na Biełaruskim radyjo. Pisaŭ muzyku da teatralnych pastanovak.

U 1939 hodzie napisaŭ adnu ź pieršych biełaruskich opier u historyi — «Michaś Padhorny». Paśla vajny pracavaŭ mastackim kiraŭnikom Biełdziaržfiłarmonii. Cikockaha nazyvajuć adnym z zasnavalnikaŭ biełaruskaj kampazitarskaj škoły.

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

40

33

9

10

4

8