Murał «Ziamla pad biełymi kryłami» źjaviŭsia ŭ Breście
Šmatpaviarchovik na vulicy Maskoŭskaj u Breście ciapier upryhožvaje murał z dziaŭčynaj-biełaruskaj. Jaho stvaryli pinskija mastaki Jaŭhien Sasiura i Siarhiej Rysakoŭ. Saaŭtaram eskiza stała Hanna Dziukava. Murały sa spałučeńniem sučasnych i tradycyjnych vobrazaŭ raniej źjavilisia ŭ roznych haradach krainy — Połacku, Pinsku i inšych, piša «Virtualnyj Briest».
Fota Andreja Rybačuka
«Ideja bresckaha murała — pakazać vichury biełaruskaj historyi i ź‘iadnać z vobrazam dziaŭčyny-biełaruski. Za asnovu dyzajna jaje vopratki braŭsia kobrynski tradycyjny stroj, ale pa zadumie — heta sučasnaja dziaŭčyna, jakaja šanuje tradycyi, ale hladzić u budučyniu.
Važna adznačyć i vobraz vady. Staražytnaje Bieraście, jak i bolšaść biełaruskich haradoŭ, uźnikła na bierazie handlovaj raki. Rola rekaŭ dla raźvićcia našaj cyvilizacyi — vielmi značnaja. Ptuški na malunku — heta idei i pamknieńnie napierad, a zamak — ramantyčnaja stylizacyja Bieraściejskaha zamka, zroblenaja pa matyvach histaryčnych rekanstrukcyj. Adnavić sapraŭdny vyhlad zamka navukoŭcy dahetul nie mohuć — nie chapaje krynic i materyjałaŭ archieałahičnych daśledavańniaŭ. Ale meta prajekta — zacikavić žycharoŭ i haściej horada hetym siaredniaviečnym pomnikam, bo z zamkam źviazana šmat siužetaŭ z historyi Bresta», — raskazali mastaki.
Čytajcie taksama:
«Naradžeńnie». Pahladzicie, jaki murał źjaviŭsia ŭ Salihorsku
«Nasustrač śvitanku». Pahladzicie, jaki murał zrabili ŭ Hrodnie
U centry Lidy źjaviŭsia murał pra kachańnie, staražytnyja plamiony i haradskuju kulturu
U Viciebsku źjaviŭsia murał z hrečaskaj kałonaj i vasilkami
pad biełymi?
zaraz bieśpiłotniki i t.p. "mir" i "demakratyju" na biełych kryłach niasuć
heta narmalna?
i budzie kazać potym niejki navodčyk - ja ž nikoha nie zabivaŭ. ja ž prosta na knopačku naciskaŭ'