Ekstremisckimi materyjałami pryznali roznyja suvieniry ź mižnarodnych pasyłak
Sud Kastryčnickaha rajona Minska pryznaŭ ekstremisckimi materyjałami suvieniry, majki, drukavanuju pradukcyju, jakija pierasyłalisia ŭ mižnarodnych paštovych adpraŭleńniach. Ich pieralik źjaviŭsia ŭ respublikanskim śpisie tak zvanych ekstremisckich materyjałaŭ.
Naprykład, ciapier u śpisie ekstrymisckich materyjałaŭ značycca paštoŭka z vyjavaj ślimaka ź dziaŭčynkaj na śpinie, na paštoŭcy nadpis — «Tam žyćcio raj, dzie svabody kraj»;
našyŭki z «vyjavaj pałos bieła-čyrvona-biełaha koleru»;
kalandar, jaki źmiaščaje nadpis «Nie maŭčy pa-biełarusku»;
branzalety z «vyjavami pałos bieła-čyrvona-biełaha koleru i nadpisam «ŽYVIE BIEŁARUŚ!»;
nalepka, jakaja «źmiaščaje vyjavu pałos bieła-čyrvona-biełaha koleru»;
nalepka, jakaja «źmiaščaje malunak vieršnika na čyrvonym fonie na kani ź miačom i ščytom u rukach»;
«adrez tkaniny, jakaja źmiaščaje vyjavu pałos bieła-čyrvona-biełaha koleru i vieršnika na kani ź miačom i ščytom u rukach u centry pałasy čyrvonaha koleru»;
śvitšot čornaha koleru, jaki źmiaščaje vyjavu čyrvonaha hierba z šerym katom u karonie, la łap jakoha lažyć mieč i ščyt z kryžam i nadpis «Kuś za Biełaruś»;
«vyrab, jaki źmiaščaje vyjavu vieršnika na kani ź miačom i ščytom u rukach na fonie čyrvonaha ščyta i nadpis «Chopić pić — treba žyć!»;
«časopisy z komiksami «Kazki-Kraski» i šmat što inšaha.
Vierahodna, havorka idzie pra rečy, vyniatyja ź mižnarodnych pasyłak.
https://nashaniva.com/300395