Va Ukrainie pachavali biełaruskaha dobraachvotnika Alaksieja Vieščavajłava
U horadzie Talnaje va Ukrainie 2 kastryčnika pachavali biełaruskaha dobraachvotnika Alaksieja Vieščavajłava. «Mienavita tut zahadaŭ pachavać siabie naš bajavy siabra Žniec», — piša kanał pałka «Pahonia».
«Z vusnaŭ tych, chto pryjšoŭ pravieści Alaksieja, nie sychodziła słova «hieroj». Na ŭračystym raźvitańni na hałoŭnaj płoščy horada razam z pokličam «Słava Ukrainie!» hučała «Žyvie Biełaruś!» Cyrymonija pravodziłasia pad patranažam meryi horada», — paviedamlaje kanał «Pahoni».
Alaksiej žyŭ u Homieli, byŭ žanaty ź biełaruskaj i mieŭ biełaruskaje hramadzianstva. Ale jon byŭ pa pachodžańni erzia. I heta było nastolki važna dla jaho, što navat jaho pazyŭnym było słova na erzianskaj movie. Jaho viedali pad nikam «Ledziaj». Na erzia heta aznačaje «žniec».
Mały narod, kałanizavany ruskimi, taksama apłakvaje Alaksieja jak svajho hieroja.
Alaksiej staŭ trynaccatym hramadzianinam Biełarusi, jaki zahinuŭ padčas poŭnamaštabnaj vajny va Ukrainie.