Hod «chatniaj chimii» prysudzili žycharu Bresta za abrazu supracoŭnikaŭ milicyi
U sudzie Maskoŭskaha rajona Bresta 16 vieraśnia zaviaršyŭsia razhlad kryminalnaj spravy miascovaha pradprymalnika Siarhieja Bieraziuka, abvinavačanaha ŭ abrazie pradstaŭnika ŭłady (art. 369 Kryminalnaha kodeksa), piša Viasna.
Spravu razhladaŭ sudździa Jaŭhien Brahan.
Pa materyjałach abvinavačańnia, Bieraziuk, paśla prahladu ŭ adnym z telehram-kanałaŭ fotavyjavy pamočnika načalnika adździeła ŭnutranych spraŭ administracyi Leninskaha rajona horada Hrodna pa kantroli za rehistracyjna-ŭlikovaj pracaj K., a taksama fotavyjavy inśpiektara darožna-patrulnaj słužby adździaleńnia DAI UUS Kobrynskaha rajvykankama, raźmiaściŭ u adkrytym dostupie paviedamleńni, jakija supiarečać ahulnačałaviečaj marali, vyražanyja ŭ nieprystojnaj formie, prynižajuć honar i hodnaść słužbovych asob.
Pierad tym, jak abvinavacić Bieraziuka ŭ abrazie pradstaŭnika ŭłady, jaho asudzili da administracyjnaha aryštu na 15 sutak.
Sud pastanaviŭ pryznać Siarhieja Bieraziuka vinavatym u abrazie pradstaŭnikoŭ ułady ŭ suviazi z vykanańniem imi słužbovych abaviazkaŭ i pryznačyŭ jamu pakarańnie ŭ vyhladzie abmiežavańnia voli terminam na adzin hod biez nakiravańnia ŭ papraŭčuju ŭstanovu adkrytaha typu.
