Były dypłamat asudziŭ uručeńnie pasłom Šviejcaryi davierčych hramat Łukašenku: Staraja dobraja realnaja palityka
Siońnia pasoł Šviejcaryi Kryścin Chonehier-Załatuchin uručyła davierčyja hramaty Alaksandru Łukašenku. Eks-supracoŭnik biełaruskaha MZS Pavieł Śluńkin apublikavaŭ z hetaj nahody post.
Śluńkin zaznačyŭ, što uručeńnie hramat adbyłosia, «niahledziačy na nielehitymnaść Łukašenki, saŭdzieł u vajnie suprać Ukrainy i bolš za 1300 palityčnych źniavolenych».
«Staraja dobraja realnaja palityka», — napisaŭ jon.
Pasoł Šviejcaryi Kryścin Chonehier-Załatuchin pryniała aktyŭny ŭdzieł u vyzvaleńni hramadzianki Šviejcaryi Natalli Chierše i asabista pravodziła jaje ŭ aeraporcie.
U aeraporcie Natallu Chierše sustrakała i pravodziła pasoł Šviejcaryi Kryścin Chonehier-Załatuchin
Natallu Chierše zatrymali 19 vieraśnia 2020 hoda, jana sarvała bałakłavu z amapaŭca, jaki zatrymlivaŭ žančyn na maršy za svabodnyja vybary. Paźniej jaje asudzili da 2,5 hoda kałonii. Jana praviała za kratami 17 miesiacaŭ. Ëj zastavałasia adbyć jašče 13 miesiacaŭ źniavoleńnia.
Jašče ŭ lutym Kryścin Chonehier-Załatuchin uručyła Uładzimiru Makieju kopii davierčych hramat. Šviejcarskaje MZS kamientavała, što nie ličyć hety žest pryznańniem lehitymnaści Łukašenki.
Raniej ambasadary jeŭrapiejskich krain admaŭlalisia ŭručać davierčyja hramaty Łukašenku, demanstrujučy tym samym niepryznańnie vynikaŭ vybaraŭ 2020 hoda.
