Bieły dom: Rasijanie, jakija nie chočuć vajavać suprać Ukrainy, mohuć prasić palityčny prytułak u ZŠA
ZŠA hatovyja razhladać zvaroty rasijskich uchilistaŭ ab palityčnym prytułku, zajaviła pres-sakratar Biełaha doma Karyn Žan-Pjer.
Pres-sakratar Biełaha doma Karyn Žan-Pjer. Skryn videa
«My ličym, što ludzi, niezaležna ad ich nacyjanalnaści, mohuć padać zajavu ab nadańni prytułku ŭ ZŠA. Kožnaja zajava budzie razhledžanaja na indyvidualnaj asnovie», — zajaviła Karyn Žan-Pjer.
Jana adznačyła, što ŭłady ZŠA vitajuć «usich, chto šukaje prytułku».
Bolšaść krain ES nie vykazali hatoŭnaści pryniać rasijskich uchilistaŭ. Adnak ułady Hiermanii dali takuju zhodu. Uchileńnie ad mabilizacyi zjaŭlajecca pierakanaŭčaj pryčynaj dla stanoŭčaha razhladu zajavy z prośbaj ab palityčnym prytułku, zajaviŭ pres-sakratar kanclera FRH Ołafa Šolca. Pretendavać na atrymańnie prytułku ŭ Hiermanii, pavodle papiaredniaj infarmacyi, zmohuć i dezierciry.
U suviazi z mabilizacyjaj u Rasii, rezka vyrasła kolkaść žadajučych źjechać z hetaj krainy. Avijakvitki raskuplenyja, na miežach — vielizarnyja čerhi.
