Biełaruskija vajskoŭcy pajechali ŭ Kazachstan na vučeńni ADKB
Biełaruski vajskovy kantynhient źjechaŭ u Kazachstan dla ŭdziełu ŭ vučeńniach, paviedamiła pres-słužba Minabarony. Biełaruskija vajskoŭcy prymuć udzieł adrazu ŭ troch vučeńniach.
Palihon «Matybułak». Fota ilustratyŭnaje
Ich čakajuć sumiesnyja vučeńniach z kalektyŭnymi siłami apieratyŭnaha reahavańnia ADKB «Uzajemadziejańnie-2022», śpiecyjalnyja vučeńni ź siłami i srodkami raźviedki «Pošuk-2022», śpiecyjalnyja vučeńni ź siłami i srodkami materyjalna-techničnaha zabieśpiačeńnia «Ešałon-2022».
Usie try vučeńni prachodziać kompleksna na palihonie «Matybułak» u Kazachstanie z 26 vieraśnia da 13 kastryčnika. Jak paviedamlajecca, padčas vučeńniaŭ «Ešałon-2022» buduć adpracoŭvacca pytańni arhanizacyi materyjalna-techničnaha zabieśpiačeńnia, a vučeńni ź siłami i srodkami raźviedki «Pošuk-2022» nakiravanyja na adpracoŭku pytańniaŭ arhanizacyi i viadzieńnia raźviedki ŭ intaresach padrychtoŭki i praviadzieńnia sumiesnaj apieracyi.
Na vučeńniach «Uzajemadziejańnie-2022» adpracujuć pytańni padrychtoŭki i praviadzieńnia sumiesnaj apieracyi pa łakalizacyi pryhraničnaha ŭzbrojenaha kanfliktu.
Akramia vajskoŭcaŭ, u hetych vučeńniach buduć taksama zadziejničanyja pradstaŭniki farmiravańniaŭ sił śpiecyjalnaha pryznačeńnia ŭnutranych vojskaŭ MUS i MNS, jakija ŭvachodziać u skład Kalektyŭnych sił apieratyŭnaha reahavańnia.
