Kala 20% biełaruskich piensijanieraŭ praciahvajuć pracavać
Kala 20% biełaruskich piensijanieraŭ praciahvajuć chadzić na pracu. Pra heta na pres-kanfierencyi ŭ Nacyjanalnym pres-centry paviedamiła namieśnik ministra pracy i sacyjalnaj abarony Maryna Arciomienka.
«U ekanomicy krainy paśla dasiahnieńnia piensijnaha ŭzrostu praciahvajuć pracavać kala 20% ad ahulnaj kolkaści piensijanieraŭ», — skazała Arciomienka.
Jana dadała, što bolš za ŭsio prafiesijanałaŭ piensijnaha ŭzrostu ŭ navucy, adukacyi, achovie zdaroŭja i inšych śfierach intelektualnaj pracy, dzie vielmi cenicca vopyt.
Usiaho ŭ Biełarusi žyvuć 1,5 młn hramadzian, starejšych za 60 hadoŭ. Jany składajuć 16% nasielnictva.
Niadaŭna ŭ našaj krainie było zavieršana paetapnaje pavyšeńnie piensijnaha ŭzrostu. U vyniku ciapier žančyny vychodziać na piensiju pa dasiahnieńni 58 hadoŭ, a mužčyny — 63 hadoŭ.