Hirkin: Łukašenka pavinien kinuć na šali ŭsio, što ŭ jaho jość, kab my atrymali pieramohu
Biełaruś užo ŭciahnutaja ŭ vajnu Rasii z Ukrainaj, a paraza Rasii pahražaje parazaj samomu Łukašenku. Pra heta zajaviŭ były ministr abarony «DNR» Ihar Hirkin (Strałkoŭ).
Były ministr abarony tak zvanaj «DNR» Ihar Strałkaŭ-Hirkin
Adkazvajučy na svaim kanale na pytańnie, ci budzie ŭciahnutaja ŭ kanflikt Biełaruś, Hirkin adkazaŭ: «Abaviazkova. Biełaruś (Hirkin havoryć «Biełoruśsija» — NN) užo ŭciahnutaja ŭ hety kanflikt. Tamu što nichto joj nie zabudzie i nie daruje, što b tam Łukašenka ni dumaŭ, što ź jaje terytoryi ledź nie ŭziali Kijeŭ, ledź nie ŭziali Čarnihaŭ i ledź nie ŭziali Sumy. Rasijskija vojski viali bajavyja dziejańni, startavaŭšy z terytoryi Biełarusi».
Na dumku Hirkina, Łukašenka nie zmoža «praśliznuć pamiž kroplami daždžu, nie zamačyŭšysia».
«Kali Rasijskaja Fiederacyja prajhraje hetu vajnu, na nastupny dzień zadušać Biełaruś i samoha Łukašenku, prosta jak kłapa zadušać. I jon ničoha zrabić nie zmoža. Navat kali znoŭ budzie biehać z aŭtamatam pa vulicy. Na nastupny dzień, maksimum tydzień — heta samy maksimum. Tamu ŭ lubym vypadku, kali Łukašenka nie poŭny durań, jon pavinien kinuć na šali ŭsio, što ŭ jaho jość, kab my atrymali ŭ hetym pieramohu. Nu a kali my budziem ciarpieć paražeńnie, to, ja dumaju, cisnuć jaho pačnuć jašče da taho, jak my kančatkova prajhrajem hetuju vajnu. Ja spadziajusia, hetaha nie budzie», — kaža Hirkin.
Hirkin, były pałkoŭnik Fiederalnaj słužby biaśpieki Rasii, naležyć da šavinistyčnaha kryła rasijskich siłavikoŭ.
Čytajcie taksama:
«Jak by Łukašenka zadam ni kruciŭ svaim adsiedžanym». Biełarusam varta zrazumieć, što niezaležnaść aznačaje vajnu, kaža Strałkoŭ
«My ŭžo prajhrali, astatniaje — pytańnie času»: rasijskija błohiery źmianili ton
Rasijski aficer raskazaŭ, jak raźvivałasia ŭkrainskaja apieracyja pad Iziumam. Ën nie razumieje, čamu ŭkraincy nie zachacieli zamknuć akružeńnie
