Sustreču z błohierkaj u Dana Mall kvalifikavali jak «niesankcyjanavanaje masavaje mierapryjemstva», arhanizatara zatrymali
Źjaviłasia paviedamleńnie minskaj milicyi, ź jakoha vynikaje, što sustreču padletkaŭ z rasijskaj 12-hadovaj błohierkaj u minskim handlova-zabaŭlalnym centry Dana Mall siłaviki vyrašyli razhladać jak «niesankcyjanavanaje masavaje mierapryjemstva», a jaje arhanizatar zatrymany.
Pavodle paviedamleńnia:
«Dniom 24 vieraśnia ŭ milicyju pastupiła infarmacyja ab vialikaj kolkaści hramadzian u handlova-zabaŭlalnym centry «Dana-Moł».
Da miesca nieadkładna vybyli narady orhanaŭ unutranych spraŭ. Supracoŭniki milicyi z metaj niedapuščeńnia ciskaniny pryniali miery pa razhrupavańni hrupaŭ maładych ludziej jak u samim HZC, tak i kala jaho. Praviadzieńnie niesankcyjanavanaha masavaha mierapryjemstva było spyniena, pryniaty miery pa niedapuščeńni prytoku hramadzian u handlovy abjekt.
Pry razychodžańni maładych ludziej milicyjantami akazanaja dapamoha supracoŭnikam słužby biaśpieki Minskaha mietrapalitena.
Na dadzieny momant vyznačany i zatrymany arhanizatar niesankcyjanavanaha masavaha mierapryjemstva ŭ HZC. Vyznačajucca asoby, jakija majuć dačynieńnie da jaho arhanizacyi. Vinavatyja buduć pryciahnutyja da ŭstanoŭlenaj zakonam adkaznaści».
ładno. nie budu krivlaťsia. tiem boleje, čto mnie vrodie hovorili nie raz, čto krivlanije mnie nie idiet...
diejstvitielno po chodu rycaŕ