Na jubilej ustalavańnia dypłamatyčnych adnosin Biełaruś adpraviła ŭ Kitaj ciahnik torfu
Pieršy ciahnik z torfam adpraviŭsia ź Biełarusi ŭ Kitaj. Uračystaja cyrymonija prajšła ŭ industryjalnym parku «Vialiki kamień» z nahody 30-hodździa ŭstanaŭleńnia dypłamatyčnych adnosin pamiž krainami. Usiaho adpraŭlena kala 1,5 tysiačy ton torfu.
Fota ilustracyjnaje
Jak paviedamlaje Minenierha, u hetym ciahniku 62 kantejniery ź vierchavym kipavanym torfam, jaki buduć vykarystoŭvać dla patreb kitajskaj sielskaj haspadarki.
Prajekt realizuje torfazavod AAT «Turšoŭka» z Krupskaha rajona sumiesna z kitajskaj kampanijaj pa absłuhoŭvańni sielskahaspadarčych technałohij «Łenundao» pry padtrymcy industryjalnaha parku «Vialiki Kamień» i DVA «Biełpalivahaz».
Paśla płanujecca adpravić u Kitaj jašče 50 kantejnieraŭ torfu. Čakajecca, što ŭ pierśpiektyvie svaju pradukcyju ŭ hetuju krainu zmohuć pastaŭlać jašče dva tarfianyja zavody.
Pa vynikach 2021 hoda źniešniehandlovy abarot Biełarusi i Kitaja skłaŭ 5,9 młrd dalaraŭ, temp rostu — 108,7%. Tempy rostu ekspartu 109,7%, impartu — 108,3%. Salda dla Biełarusi vyjšła admoŭnym — minus 3,2 młrd dalaraŭ.