«My jaho paklikali, ale jon užo źbieh». Cichanoŭskaja ledź nie sustrełasia ŭ Ńju-Jorku z Makiejem
Jak stała viadoma «Našaj Nivie», u kułuarach siesii Hienasamblei AAN Śviatłana Cichanoŭskaja ledź była nie sustrełasia z aficyjnym pradstaŭnikom łukašenkaŭskaha režymu, ministram zamiežnych spraŭ Uładzimiram Makiejem. Ale nie zadałosia.
«Na vychadzie z budynka Hienasamblei AAN Cichanoŭskaja pierasiekłasia z Uładzimiram Makiejem. Jon vychodziŭ z budynka razam z delehacyjaj. A ŭ łobi znachodziłasia Śviatłana razam sa svajoj delehacyjaj. Jon pabačyŭ Cichanoŭskuju i pryśpiešyŭ krok. My jaho paklikali, ale jon užo źbieh», — raskazaŭ daradca Śviatłany Cichanoŭskaj Franak Viačorka.
Śviatłana Cichanoŭskaja ŭžo sustrełasia z prezidentam Jeŭrakamisii Ursułaj fon der Lajen, a taksama kiraŭnikami Polščy i Litvy Andžejem Dudam i Hitanasam Naŭsiedam. Akramia taho, adbylisia sustrečy z hiensakam Rady Jeŭropy Maryjaj Piejčynavič-Buryč, prezidentam Parłamienckaj asamblei ABSIE Marharetaj Sederfielt, ministrami zamiežnych spraŭ Estonii, Finlandyi, Litvy, Aŭstryi, Łatvii, Ispanii, Partuhalii, Polščy.
Akramia palitykaŭ, demakratyčnaja lidarka Biełarusi praviała pieramovy z hiendyrektaram Google Sundaram Pičam, vice-prezidentam Meta Nikam Kleham.
a ŭ śpisie nižiej pryviedzieny ŭsie, chto nie źbieh?) foty Śvieta robić užo ŭ asnoŭnym na vulicy... a niekali ž taksama vystupała ŭ AAN...
p.s. Red., hetuju "navinu" užo nichto nie čytaje, tamu kamientar peŭna možna źmiaścić? psichika zakachanych u śvietu nie pastradaje)
ja zaŭvažyła, što vy naviny ź joj źmiaščajecie ŭ rubrycy Hramadstva, a nie Palityka, jak raniej.
taksama nielha nie zaŭvažyć, što jana apošnim časam u adnym i tym ža kaściumčyku hałubym... zaračak tolki nie chapaje na im... praktyčna, jak ściah ES, jakoha amal nie było na pratestach 20-ha...