Abjadnany pierachodny kabiniet aficyjna zapatrabavaŭ vyvadu rasijskich vojskaŭ z terytoryi Biełarusi

Fota ilustracyjnaje

Pavodle zajavy, Abjadnany pierachodny kabiniet Biełarusi:

1. Patrabuje ad Rasijskaj Fiederacyi biezumoŭnaha, nieadkładnaha i poŭnaha vyviadzieńnia ŭsich svaich vojskaŭ i vajennych abjektaŭ z terytoryi Respubliki Biełaruś.

2. Ličyć niesapraŭdnymi dvuchbakovyja pahadnieńni pamiž Respublikaj Biełaruś i Rasijskaj Fiederacyjaj, jakija pahražajuć suvierenitetu, niezaležnaści i nacyjanalnaj biaśpiecy Respubliki Biełaruś.

3. Ličyć nieabchodnym vychad Respubliki Biełaruś z vajenna-palityčnych i ekanamičnych sajuzaŭ z Rasijskaj Fiederacyjaj i vybudoŭvańnie novaj rehijanalnaj sistemy biaśpieki z udziełam dziaržavaŭ, jakija pryznajuć i pavažajuć niezaležnaść, suvierenitet, terytaryjalnuju cełasnaść i nacyjanalnuju identyčnaść Respubliki Biełaruś.

4. Źviartajecca da mižnarodnaj supolnaści — Arhanizacyi Abjadnanych Nacyj, Arhanizacyi pa Biaśpiecy i Supracoŭnictvie ŭ Jeŭropie, Rady Jeŭropy, Jeŭrapiejskaha Sajuza, Vialikabrytanii, Złučanych Štataŭ Amieryki, Kanady i inšych dziaržavaŭ i mižnarodnych arhanizacyj — z zaklikam padtrymać svaju zajaŭlenuju palityku pa zabieśpiačeńni niezaležnaści, suvierenitetu i terytaryjalnaj cełasnaści Respubliki Biełaruś kompleksnymi praktyčnymi zachadami va ŭzajemadziejańni z Abjadnanym Pierachodnym Kabinietam.

5. Budzie dabivacca deakupacyi Respubliki Biełaruś usimi dastupnymi srodkami na padstavie normaŭ i pryncypaŭ mižnarodnaha prava.

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

57

1

8

1

1

1