Najbujniejšyja tureckija banki pierastali pracavać z rasijskimi kartami «Mir»
Bujnyja tureckija banki İşbank i Denizbank pierastali pracavać z rasijskaj apłatnaj sistemaj «Mir». Pry sprobie źniać tureckija liry ŭ bankamacie İşbank «sistema admaŭlaje ŭ vydačy najaŭnych srodkaŭ, spasyłajučysia na pieravyšeńnie sutačnaha limitu». Bankamaty Denizbank «paviedamlajuć pra pamyłku paćvierdžańnia apieracyi i viartajuć kartu».
Ahienctva Bloomberg sa spasyłkaj na zajavu banka İşbank piša, što rašeńnie ab prypynieńni supracoŭnictva ź sistemaj «Mir» było pryniata tureckimi bankami paśla zajavy Minfina ZŠA ab mahčymych sankcyjach suprać tych, chto spryjaje raspaŭsiudžvańniu vykarystańnia hetaj sistemy pa-za miežami Rasii.
U toj ža čas jašče viasnoj ministr kaznačejstva i finansaŭ Turcyi Nuredzin Niebaci abiacaŭ, što ŭ rasijan nie budzie prablem z apłataj pasłuh i tavaraŭ bankaŭskimi kartkami ŭ krainie praz abmiežavańni VISA i Mastercard. Jon śćviardžaŭ, što 15% tureckich pradpryjemstvaŭ prymajuć karty «Mir».
