U adkaz na zvarot armianaŭ Biełaruś prapanavała vyjezd hiensaka ADKB dla padrychtoŭki dakłada
Pres-słužba Łukašenki paviedamiła, što siońnia abmiarkoŭvałasia i jakija rašeńni pryniatyja na pazačarhovym pasiadžeńni Rady kalektyŭnaj biaśpieki ADKB. Jano adbyłosia siońnia ŭviečary pa inicyjatyvie Armienii, jakaja ŭnačy padvierhnułasia abstrełu svajoj terytoryi z boku susiedniaha Azierbajdžana.
Hienieralny sakratar ADKB Stanisłaŭ Zaś
Pavodle ścisłaha aficyjnaha paviedamleńnia, pa daručeńni Łukašenki pazicyju Biełarusi paplečnikam pa ADKB davioŭ dziaržsakratar biełaruskaj Rady biaśpieki Alaksandr Valfovič. Jon skazaŭ, što naša kraina, maŭlaŭ zaŭsiody vystupała za azierbajdžanska-armianskaje ŭrehulavańnie vyklučna palityka-dypłamatyčnymi mietadami, a ciapierašniaja situacyja patrabuje daskanałaha vyvučeńnia.
U vyniku prapanavany taki mocny krok reakcyi na padziei ŭ paŭdniovakaŭkazskim rehijonie, jak vyjezd hienieralnaha sakratara ADKB — ciapier hetuju pasadu zajmaje biełarus Stanisłaŭ Zaś — u zonu kanfliktu dla padrychtoŭki padrabiaznaha dakładu kiraŭnikam dziaržaŭ.
U dadatak da taho prapanavana stvaryć pracoŭnuju hrupu ź liku supracoŭnikaŭ sakrataryjata i abjadnanaha štaba ADKB dla analizu situacyi i vypracoŭki prapanoŭ.
