Ałharytmičny łacinski varyjant
Ukraina pradstaviła svoj prajekt «harantyj biaśpieki», jakich budzie dabivacca na pieramovach ab miry
Kiraŭnik Ofisa prezidenta Ukrainy Andrej Jarmak i hienieralny sakratar NATA Anders Foh Rasmusen prezientavali ŭ Kijevie rekamiendacyi pa harantyjach biaśpieki dla Ukrainy. Ich raspracavali pa daručeńni prezidenta Uładzimira Zialenskaha.
Aŭtary prapanujuć stvaryć Kijeŭski dahavor ab biaśpiecy — sumiesny dakumient ab stratehičnym partniorstvie, jaki abjadnaje Ukrainu i dziaržavy-haranty. Voś što źmiaščajecca ŭ rekamiendacyjach:
- Ukraina pavinna atrymać mahčymaść abaraniacca ŭ adpaviednaści z artykułam 51 Statuta AAN (ab pravie na samaabaronu). Dla hetaha Ukrainie patrebnyja resursy na ŭtrymańnie mahutnych Uzbrojenych siłaŭ.
- Kab vałodać takimi resursami, Kijevu nieabchodnyja šmathadovyja inviestycyi ŭ VPK Ukrainy, pieradača zbroi i raźviedvalnaja padtrymka z boku sajuźnikaŭ, sumiesnyja vučeńni pad ehidaj ES i NATA.
- Harantyi biaśpieki pavinny być «vyrazna sfarmulavanyja» i «vyznačać šerah abaviazacielstvaŭ», uziatych hrupaj harantaŭ razam z Ukrainaj. Jany pavinny być palityčna i jurydyčna abaviazkovymi dla vykanańnia na asnovie dvuchbakovych pahadnieńniaŭ, ale abjadnanyja ŭ ramkach sumiesnaha dakumienta ab stratehičnym partniorstvie pad nazvaj Kijeŭski dahavor ab biaśpiecy.
- Patencyjny dahavor abjadnaje asnoŭnuju hrupu krain-sajuźnic i Ukrainu. Hetaja hrupa dziaržaŭ-harantaŭ moža składacca z ZŠA, Vialikabrytanii, Kanady, Polščy, Italii, Hiermanii, Francyi, Aŭstralii, Turcyi, a taksama z krain Paŭnočnaj Jeŭropy i Bałtyi, Centralnaj i Uschodniaj Jeŭropy.
Pa słovach Andreja Jermaka, patencyjnaje pahadnieńnie ab harantyjach biaśpieki dla Ukrainy nie źjaŭlajecca zamienaj ustupleńniu ŭ NATA, kurs na jakoje prapisany va ŭkrainskaj Kanstytucyi. Heta budzie srodkam zabieśpiačeńnia biaśpieki krainy, pakul ustupleńnie nie adbudziecca.
26
0
3
1
1
1
Kamientary
Kab pakinuć kamientar, kali łaska, aktyvujcie JavaScript u naładach svajho braŭziera
U Varšavie napali na biełarusku, u jaje traŭma hałavy
 27
Zdahadajciesia, na kaho advučyŭsia Raman Pratasievič
 24
Va Ukrainie zahinuŭ Fieliks Edmundavič Dziaržynski
 5
Parłamient Hruzii pryniaŭ zakonaprajekt ab «zamiežnych ahientach» u druhim čytańni, pratesty praciahvajucca
 1
Łukašenka prymusiŭ ministra vykopvać ziernie rukami
 14
Mahiloŭskaja kaardynatarka Statkieviča stukała na Palčysa. A ciapier lezie ŭ Kaardynacyjnuju radu
 16
Kampanija SpaceX zapuściła braniravańnie miescaŭ dla palotaŭ u kosmas. Turystam dastupny čatyry napramki
 8
Kab skarystacca kalendarom, kali łaska, aktyvujcie JavaScript u naładach svajho braŭziera