U Bučy projdzie vystava z partretami biełaruskich palitviaźniaŭ
Zaŭtra, 13 vieraśnia, žychary ŭkrainskaj Bučy zmohuć pabačyć vystavu, praśviečanuju biełaruskim palitźniavolenym. Admysłova dziela hetaha tudy byli dadadzienyja fotazdymki ludziej, jakija zahinuli za Ukrainu, pačynajučy ad 2014 hoda, paviedamlaje reform.by.
«Kolery biełaruskaj revalucyi» ŭ Lvovie. Fota: Jaŭhien Atciecki
Heta pašyrany prajekt ekspazicyi, jakaja vystaŭlałasia ŭ Lvovie ŭ žniŭni hetaha hoda — u filijale Lvoŭskaha histaryčnaha muzieja. Hetym razam da partretaŭ biełaruskich palitviaźniaŭ dadaducca vyjavy biełarusaŭ, jakija zahinuli za Ukrainu, pačynajučy z 2014 hoda.
Arhanizatarki vystavy ŭ Bučy — pravaabaronca Anisija Kaźluk i aktyvistka Nastaśsia Doluška. Suarhanizatarka lvoŭskaj viersii «Koleraŭ biełaruskaj revalucyi» Alina Rudzina adznačaje, što Buča — «sakralnaje miesca», i dla ich honar tam vystavicca.
«My chočam pakazać, što adbyvajecca ŭ Biełarusi — jak ciažka siońnia vykazać mierkavańnie, što nie supadaje z aficyjnaj viersijaj, — havoryć Rudzina. — Raspačynaŭsia hety prajekt, nahadaju, z partretaŭ źniavolenych ukraincaŭ, jakija padtrymali biełarusaŭ padčas padziej 2020 hoda».
Vystava budzie adkrytaja ŭ Bučy da 20 vieraśnia, a potym płanujucca taksama Kijeŭ i Čarnihaŭ.
