Zialenski: Pieramovy z Pucinym ciapier niemahčymyja
Pieramovy z Pucinym ciapier niemahčymyja. Pra heta zajaviŭ Uładzimir Zialenski ŭ intervju CNN, adkazvajučy na adpaviednaje pytańnie.
president.gov.ua
«Na siońnia ja nie baču nijakaha žadańnia z rasijskaha boku być kanstruktyŭnym. Što tyčycca ultymatumaŭ: mnie nie važna, chto vysoŭvaje ultymatumy — jon, ci chto-niebudź inšy [u vypadku sychodu Pucina z pasady prezidenta]. Heta moj pryncyp: ja nie havaru z tymi, chto vysoŭvaje ultymatumy», — skazaŭ prezident Ukrainy.
Zialenski zajaviŭ, što damova z Rasijaj moža być zaklučanaja paśla vyzvaleńnia zaniatych RF ukrainskich terytoryj.
«Usio roŭna ŭ Rasii jość z nami miaža, usio roŭna heta naš susied ź vielizarnym nasielnictvam, tak što paśla deakupacyi našaj krainy nam daviadziecca žyć ź imi pobač jak z susiedziami», — skazaŭ jon.
