U Varšavie palicyjanty vyratavali hramadzianina Biełarusi
Jak paviedamlaje Radio Eska, palicyjanty šukali ludziej, jakija raśpivajuć ałkahol u publičnych miescach i pakidajuć paśla siabie śmiećcie, a ŭ vyniku natknulisia na mužčynu, jaki lažaŭ u kustach i nie padavaŭ prykmiet žyćcia.
Supracoŭniki pačali sardečna-lohačnuju reanimacyju, pa čarzie rabili mužčynu masaž serca. Praź niekalki chvilin jon znoŭ zadychaŭ.
Pakul na miesca jechała chutkaja dapamoha, 42-hadovamu biełarusu znoŭ stała drenna, palicejskija znoŭ zrabili jamu masaž serca. Na ščaście, mužčyna i ŭ druhi raz pryjšoŭ u prytomnaść. A dalej pacyjentam zajmalisia ŭžo miedyki.
Paźniej biełarus patłumačyŭ, što šmat hadoŭ pakutuje ad sardečnych zachvorvańniaŭ i znachodzicca pad pastajannym nahladam lekaraŭ. Jon padziakavaŭ palicyi za vyratavańnie jahonaha žyćcia.
