Jakija imiony stali samymi papularnymi ŭ Minsku ŭ hetym hodzie
Za 6 miesiacaŭ 2022 h.orhany ZAHS administracyj rajonaŭ stalicy zarehistravali naradžeńnie 7740 dziaciej: 3892 chłopčykaŭ i 3848 dziaŭčynak, paviedamlajuć «Minsk-Naviny».
Jak i ŭ 2021-m, u pieršym paŭhodździ 2022-ha karystalisia papularnaściu takija imiony dla chłopčykaŭ, jak Michaił, Arciom, Mark i Maksim, dziaŭčynak — Safija, Alisa, Maryja, Jeva. Sustrakalisia i redkija mužčynskija i žanočyja imiony. Siarod ich Jaramir, Ryčard, Marjan, Dziamjan, Eryk, a taksama Ahłaja, Akulina, Lubava, Vieniera, Mišel, jak udakładnili śpiecyjalisty Hałoŭnaha ŭpraŭleńnia justycyi Minharvykanama.
U Hałoŭnym upraŭleńni adznačyli, što na praciahu troch apošnich hadoŭ baćki addajuć pieravahu słavianskim imionam.
Tam taksama nahadali, što pry naradžeńni dziciaci možna dać nie bolš za dva ŭłasnyja imiony. Pry hetym toje ź ich, jakoje zarehistravanaje ŭ zapisie akta ab naradžeńni pieršym, ličycca asnoŭnym. Padvojnaje imia ŭ 2021-m atrymali 46 małych, a za pieršyja šeść miesiacaŭ hetaha hoda — 19.
