Minzdaroŭja: Poŭny kurs vakcynacyi ad karanavirusa prajšli kala 70% biełarusaŭ
Bolš za 6,4 młn čałaviek prajšli ŭ Biełarusi poŭny kurs vakcynacyi. Takuju ličbu pa stanie na 8 vieraśnia nazvali ŭ Ministerstvie achovy zdaroŭja.
U viedamstvie ŭdakładnili, što pry hetym jak minimum adnoj dozaj pryščapilisia bolš za 6,5 młn čałaviek.
Bolš za ŭsio tych, chto prajšoŭ poŭny kurs vakcynacyi, u Minsku (1,3 młn) i Minskaj vobłaści (bolš za 987 tys.). U Bresckaj vobłaści dźvie pryščepki zrabili 892,5 tys. čałaviek, u Viciebskaj — 790,7 tys., u Homielskaj — 976 tys., u Hrodzienskaj — amal 694 tys., a ŭ Mahiloŭskaj — 692 tys.
Akramia taho, adnu dozu vakcyny suprać karanavirusa atrymali 173 tys. dziaciej ad 5 da 17 hadoŭ, ź ich całkam pryščeplenyz bolš za 151 tys.
Pavodle źviestak Ministerstva achovy zdaroŭja, adnoj dozaj vakcyny achoplena 70,8% nasielnictva krainy, a całkam pryščeplenyja 69,6%. Što tyčycca bustarnych pryščepak, to ich zrabili 42,8% žycharoŭ Biełarusi.