Bankam Litvy dazvolili samim vyznačać, što rabić z płaciažami ź Biełarusi
Bank Litvy (Lietuvos bankas) paviedamiŭ, što atrymlivaje šmat skarhaŭ, źviazanych z praviadzieńniem płaciažoŭ z udziełam biełaruskich kampanij, tamu z hetaha času ŭdzielniki finansavaha rynku nadzialajucca pravam samastojna prymać rašeńni ab akazańni ci nieakazańni im pasłuh.
Pry hetym rehulatar tak sfarmulavaŭ svaje čakańni pa płaciažach ź Biełaruśsiu: finansavyja ŭstanovy pavinny naležnym čynam prymianiać mižnarodnyja sankcyi, aceńvać ryzyki i kiravać imi, a pry pryniaćci rašeńniaŭ im taksama varta ŭličvać intaresy dziaržavy i humanitarnyja i sacyjalnyja aśpiekty.
Bank Litvy zapatrabavaŭ ad finansavych ustanoŭ kiravać ryzykami, a nie admaŭlacca ad ich, pakolki heta moža abmiežavać dostup žycharoŭ i kampanij da samych nieabchodnych finansavych pasłuh.
Z ulikam stupieni ryzyki ŭdzielniki finansavaha rynku majuć prava pryniać rašeńnie ab abmiežavańni abo admovie ŭ praviadzieńni płaciažoŭ, źviazanych ź Biełaruśsiu. Klijentaŭ varta naležnym čynam infarmavać ab pryniaćci takich rašeńniaŭ.
Apłatnyja pasłuhi ŭ Litvie akazvajuć bolš za 200 udzielnikaŭ finansavaha rynku.
Raniej paviedamlałasia, što bujny litoŭski bank Šiaulių bankas papiaredziŭ klijentaŭ pra toje, što z 1 vieraśnia spyniaje płaciažy ŭ Biełaruś u lubych valutach.
Čytajcie taksama:
Apošni bujny bank Litvy spyniaje pracu ź Biełaruśsiu i Rasijaj
