Apošni bujny bank Litvy spyniaje pracu ź Biełaruśsiu i Rasijaj
Litoŭski Šiaulių bankas abjaviŭ ab spynieńni praviadzieńnia płaciažoŭ u i z Rasii dy Biełarusi, a taksama ŭsich płaciažoŭ u rasiejskich rublach. Pra heta havorycca na sajcie banka, piša Delfi.lt.
Fota: Judita Grigelytė / Verslo Žinios
Rašeńnie źviazana z sankcyjami suprać Biełarusi i Rasii. U banku padkreślivajuć, što dla zručnaści klijentaŭ im dali dastatkova času dla pierachodu na inšyja rynki i źnižeńnia svajoj zaležnaści ad padsankcyjnych krain, ale dalejšyja ryzyki dla banka nieprymalnyja.
«Z 15 žniŭnia my nie budziem apracoŭvać płaciažy ŭ rasijskich rublach, niezaležna ad krainy pryznačeńnia. Z 1 vieraśnia my nie budziem apracoŭvać płaciažy ŭ/z Rasii i Biełarusi ŭ luboj valucie», — zajavili ŭ banku.
Vyklučeńni mohuć być zroblenyja tolki pa papiarednim uzhadnieńni dla vypadkaŭ, kali płaciažy źviazanyja z humanitarnymi metami ci patrebnyja dla zabieśpiačeńnia dziaržaŭnych funkcyj.
Šiaulių bankas zastavaŭsia apošnim siarod bujnych bankaŭ Litvy, chto jašče pravodziŭ płaciažy ŭ Biełaruś i Rasiju. U mai takija płaciažy spynili Swedbank i SEB bankas, u kancy červienia — bank Luminor.
