U Biełarusi za hod znajšli amal 1000 karupcyjanieraŭ. Prakuratura nazvała heta pośpiecham
Z kožnym hodam karupcyjanieraŭ znachodziać usio bolš.
Ihar Hrejba. Fota: SK
U 2023 hodzie siłaviki vyjavili 1253 karupcyjnyja złačynstvy ŭ Biełarusi. Heta na 16% bolš, čym hodam raniej.
Načalnik upraŭleńnia pa baraćbie z karupcyjaj i arhanizavanaj złačynnaściu Hienprakuratury Ihar Hrejba raspavioŭ u efiry STB, što štohod u Biełarusi vyjaŭlajuć 750-800 słužbovych asob, jakija ŭčynili karupcyjnyja złačynstvy.
Pry hetym u 2023 hodzie adbyŭsia rost — takich akazałasia 923 čałavieki. Prakuratura hetu kolkaść stavić sabie ŭ zasłuhu.
«Razvažajučy pra statystyku, možna skazać, što hetaja ličba źviazanaja z efiektyŭnaj pracaj pravaachoŭnaha błoka. Čym lepš pracujuć pravaachoŭniki, tym bolš vyjaŭlajuć karupcyjanieraŭ», — ličyć Hrejba.
Jon adznačyŭ, što ŭ statystycy ŭličvajucca spravy, jakija dajšli da suda.
Čytajcie taksama:
Port dla Biełarusi ŭ Murmansku budzie budavać były dyrektar «Biełšyny», jakoha hod tamu aryštoŭvali
Za bujny chabar sudziać dyrektara «Minskrambuda» i tyłavoha načalnika z Departamienta achovy MUS
