Litva zakryła centr dla mihrantaŭ niedaloka ad miažy ź Biełaruśsiu
Aficyjna zakryli Miadzininkajski centr rehistracyi inšaziemcaŭ Dziaržaŭnaj pamiežnaj słužby (VSAT), stvorany ŭ pieryjad mihranckaha kryzisu, štučna stvoranaha režymam Łukašenki. Pa słovach ministarki ŭnutranych spraŭ Ahnie Biłatajcie, na jaho bazie płanujuć stvaryć asobnuju ŭstanovu ŭ struktury Ministerstva sacyjalnaj abarony i pracy.
Centr na terytoryi Pasieniajskaj škoły zasnavali ŭ vieraśni 2021 hoda. Z modulnych damoŭ stvaryli łahier, dzie ŭ razhar kryzisu žyli 900 čałaviek. Apošnija nielehalnyja mihranty byli vyviezienyja ŭ inšyja punkty 18 žniŭnia.
Ahnie Biłatajcie patłumačyła, što pamiežniki nie pavinny zajmacca pryjomam i raźmiaščeńniem mihrantaŭ, heta zadača inšych słužbaŭ. Tamu ŭ Litvie rychtujucca papraŭki ŭ zakanadaŭstva, jakija dazvolać stvaryć na bazie zakrytaha centra novuju ŭstanovu, padparadkavanuju Ministerstvu sacyjalnaj abarony i pracy. A z VSAT zdymuć nieŭłaścivyja funkcyi.
Jašče čatyry padobnyja centry ŭ Litvie pakul praciahvajuć pracavać: mienš za 600 zamiežnikaŭ raźmieščanyja ŭ miascovaściach Pabradzie, Kibartaj, Rukle i Naŭininkaj. Bolš za 4,2 tys.čałaviek nielehalna trapili ŭ Litvu tolki za 2021 hod.
Čytajcie taksama:
Litva skončyła budavać płot na miažy ź Biełaruśsiu. Jaho vyšynia piać mietraŭ
