U Minabarony Biełarusi abvinavacili Hienštab USU ŭ pravakacyi
Pamočnik ministra abarony Biełarusi pa pytańniach mižnarodnaha vajennaha supracoŭnictva Valeryj Ravienka nazvaŭ siońniašniuju zajavu pradstaŭnika Hienštaba USU pravakacyjaj.
Valeryj Ravienka. Fota: BiełTA
«Pradstaŭnik hałoŭnaha apieratyŭnaha ŭpraŭleńnia Hienieralnaha štaba Uzbrojenych sił Ukrainy raspaŭsiudziŭ zaviedama iłžyvuju infarmacyju pra namier Uzbrojenych sił Respubliki Biełaruś zachapić častku terytoryi Ukrainy padčas budučych u vieraśni kamandna-štabnych vučeńniaŭ», — napisaŭ Ravienka ŭ tvitary.
Taksama jon zajaviŭ, što Hienštab USU niedakładna nazvaŭ skład udzielnikaŭ vučeńniaŭ.
Pradstaŭnik Hienštaba USU Alaksiej Hromaŭ padčas siońniašniaha bryfinhu raskazaŭ pra biełaruskija vajskovyja vučeńni, zapłanavanyja na 8-14 vieraśnia. Padčas ich, zajaviŭ Hromaŭ, płanujuć adpracavać «vyzvaleńnie časova akupavanych terytoryj». Na jaho dumku, hetymi słovami mohuć prykryvać zachop prymiežnych rajonaŭ Ukrainy ŭ Vałynskaj, Rovienskaj i Žytomirskaj abłaściach.
Taksama jon paviedamiŭ, što ŭ vučeńniach buduć udzielničać vajskoŭcy z Rasii dy inšych krainaŭ ADKB.
Čytajcie taksama:
Ukrainski Hienštab: Biełaruś na najbližejšych vučeńniach, vierahodna, budzie adpracoŭvać zachop častki terytoryi Ukrainy
