«Dziaŭčaty, chopić karotkich šortaŭ, z-pad jakich tyrčyć pałova zadnicy». Dopis Andreja Bonda vyklikaŭ supiarečlivyja reakcyi
Šoŭmien Andrej Bond padzialiŭsia svaim mierkavańniem nakont taho, što nieprymalna nasić dziaŭčatam uletku.
Fota: staronka ŭ instahramie Bonda
«Dziaŭčaty, kali łaska, chopić karotkich šortaŭ, z-pad jakich tyrčyć pałova vašaj zadnicy. Heta nie seksi, nie kruta, nie modna, nie stylova, nie prymalna hulać u handlovych centrach, centry horada pa vulicach z hołaj zadnicaj.
Karotkija šorty — heta zdorava, ale vašy bułki nie pavinny być bačnyja z-pad šortaŭ. Heta miaščanstva», — napisaŭ Andrej Bond u sacsietkach.
Siarod karystalnikaŭ tvitara jaho dopis narabiŭ šumu.
«Andrej i inšyja palicai daŭžyni dziavočych šort, spadnic, sukienak. Pa-pieršaje, nijakija žanočyja bułki vam ničoha nie pavinny; pa-druhoje, lepiej by vam zaniacca kantrolem taho, što vychodzić z vašaha rota, čym čužym źniešnim vyhladam», — rezka adkazała adna ź dziaŭčat.
«U takich vypadkach chočacca skazać: nie padabajecca — nie nadziavaj, u čym prablema», — dadała inšaja.
«Biełaruskaja škała źniešniaha vyhladu biełaruskaj žančyny vymiarajecca dyjapazonam ad Šuraŭki da Bonda», — pažartavaŭ błohier Džypsinkoŭ.
«Vidavočna, jon zahledzieŭsia na čyjuści zadnicu, a jaho spadarožnica zaŭvažyła heta», — humarać u tvitary.
Chapała i tych, chto padtrymaŭ mierkavańnie šoŭmiena pra toje, što supierkarotkim šortam u horadzie nie miesca.
«A jak nakont dres-kodu? Ci vy ŭ takich šortach pojdziecie u VNU ci ŭ ofis? U horadzie takija šorty taksama mavieton», — napisaŭ adzin z karystalnikaŭ.
«Nu jon prosta svajo mierkavańnie vykazvaje. I ja ź im zhodny. Dla plažnych miescaŭ heta norm, a voś dla bolš publičnych — nu takoje. Usio ž kultury treba prytrymlivacca».
«Kali dziaŭčaty vychodziać na vulicu, u publičnuju prastoru ŭ takim vyhladzie, to ja, jak častka toj publiki, maju prava na svajo mierkavańnie», — adkazaŭ Bond.
A paźniej dadaŭ taksama zaŭvahu pra mužčyn:
«Mužyčki i chłopcy ŭ sietčatych majkach, biez majek, u rasšpilenych kašulach na hołaje cieła ŭ horadzie — heta ahidna».
