«Дзяўчаты, хопіць кароткіх шортаў, з-пад якіх тырчыць палова задніцы». Допіс Андрэя Бонда выклікаў супярэчлівыя рэакцыі
Шоўмен Андрэй Бонд падзяліўся сваім меркаваннем наконт таго, што непрымальна насіць дзяўчатам улетку.
Фота: старонка ў інстаграме Бонда
«Дзяўчаты, калі ласка, хопіць кароткіх шортаў, з-пад якіх тырчыць палова вашай задніцы. Гэта не сэксі, не крута, не модна, не стылёва, не прымальна гуляць у гандлёвых цэнтрах, цэнтры горада па вуліцах з голай задніцай.
Кароткія шорты — гэта здорава, але вашы булкі не павінны быць бачныя з-пад шортаў. Гэта мяшчанства», — напісаў Андрэй Бонд у сацсетках.
Сярод карыстальнікаў твітара яго допіс нарабіў шуму.
«Андрэй і іншыя паліцаі даўжыні дзявочых шорт, спадніц, сукенак. Па-першае, ніякія жаночыя булкі вам нічога не павінны; па-другое, лепей бы вам заняцца кантролем таго, што выходзіць з вашага рота, чым чужым знешнім выглядам», — рэзка адказала адна з дзяўчат.
«У такіх выпадках хочацца сказаць: не падабаецца — не надзявай, у чым праблема», — дадала іншая.
«Беларуская шкала знешняга выгляду беларускай жанчыны вымяраецца дыяпазонам ад Шураўкі да Бонда», — пажартаваў блогер Джыпсінкоў.
«Відавочна, ён загледзеўся на чыюсьці задніцу, а яго спадарожніца заўважыла гэта», — гумараць у твітары.
Хапала і тых, хто падтрымаў меркаванне шоўмена пра тое, што суперкароткім шортам у горадзе не месца.
«А як наконт дрэс-коду? Ці вы ў такіх шортах пойдзеце у ВНУ ці ў офіс? У горадзе такія шорты таксама маветон», — напісаў адзін з карыстальнікаў.
«Ну ён проста сваё меркаванне выказвае. І я з ім згодны. Для пляжных месцаў гэта норм, а вось для больш публічных — ну такое. Усё ж культуры трэба прытрымлівацца».
«Калі дзяўчаты выходзяць на вуліцу, у публічную прастору ў такім выглядзе, то я, як частка той публікі, маю права на сваё меркаванне», — адказаў Бонд.
А пазней дадаў таксама заўвагу пра мужчын:
«Мужычкі і хлопцы ў сетчатых майках, без маек, у расшпіленых кашулях на голае цела ў горадзе — гэта агідна».
