Stvaryli servis, jaki dazvalaje biaspłatna palepšyć staryja fota. Pakazvajem, jak jon pracuje
Niadaŭna ŭ siecivie źjaviŭsia biaspłatny servis, jaki palapšaje jakaść starych fota. Jon stvorany entuzijastami i raspracavany na bazie ałharytmu GFP-GAN. Jon dazvalaje z dapamohaj niejronnych sietak palapšać jakaść fota ŭślapuju, to-bok, bieź niejkich dadatkovych danych na ŭvachodzie, akramia samoha fota, i vielmi chutka.
Kaniešnie, jon padychodzić nie dla ŭsich typaŭ vyjaŭ. Najlepš servis pracuje z partretami i vyjavami bujnych pradmietaŭ. Kali na fota jość nievialikija detali abo niejkija skažeńni, to na im mohuć źjavicca artefakty (termin, jaki abaznačaje toje, čaho niama na pieršapačatkovaj vyjavie ci čaho nie mierkavałasia tam).
Pakazvajem, jakija vyniki jon nam vydaŭ — pasprabujcie i vy!
Lepš za ŭsio atrymlivajucca hazietnyja partretnyja fota — ałharytm vielmi efiektyŭna prybiraje ŭsie lišnija kropki. Tut Vacłaŭ Łastoŭski vyhladaje značna «žyviejšym».
Janka Kupała staŭ bolš «miakki», a ŭ fota dadałosia trochu bolej koleru.
Davoli dobry efiekt taksama dla hetaha fota z Usiebiełaruskaha źjezdu (jaho pravy bok palepšany servisam). Niehledziačy na vielmi nizkuju jakaść zychodnaha fota, pravy bok staŭ bolš sakavitym.
A tut bačna jak ałharytm dadaje artefakty (pravaja pałova fota — vynik apracoŭki servisam). Na fota z prysiahi Łukašenki, jakoje zroblenaja jak skrynšot ź niejkaha staroha nośbita, nakłałasia šmat artefaktaŭ — i jano vyhladaje dziŭna.
Padobnaja situacyja i z hetym fota (tut taksama pravaja pałova — vynik apracoŭki servisam).
Čytajcie jašče:
Biełaruski raspracoŭščyk stvaryŭ dadatak ź vieršami na rodnaj movie
Jak praciahnuć žyćcio svajmu staromu smartfonu, kab nie kuplać novy?
U sensie - vaša fota niemahčyma apracavać. Voś u takim sensie