Rasija pryhraziła krainam ADKB z-za kantaktaŭ z Zachadam
Pašyreńnie supracoŭnictva krain byłoha SSSR z Zachadam vyklikaje ŭsio bolšuju zaniepakojenaść u Rasii, jakaja apynułasia ŭ mižnarodnaj izalacyi i čakaje, što niešmatlikija partniory padtrymajuć jaje ŭ novaj «chałodnaj vajnie».
Padčas samitu krain ADKB
Kantakty krain-čalcoŭ ADKB z «niedružalubnymi» dziaržavami nie pavinny nanosić škody stratehičnamu partniorstvu z Rasijaj. Pra heta, jak paviedamlaje «RIA Novosti», zajaviŭ u čaćvier namieśnik dyrektara Departamienta infarmacyi i druku MZS Rasii Ivan Niačajeŭ.
U dziaržaŭ błoka, kudy, akramia Rasii, uvachodziać Biełaruś, Kazachstan, Armienija, Tadžykistan i Kyrhyzstan, jość abaviazacielstvy, zamacavanyja ŭ dziejnych pahadnieńniach, nahadaŭ Niačajeŭ na štodzionnym bryfinhu.
Jon dadaŭ, što kantakty z krainami, jakija Maskva abviaściła «niedružalubnymi», nie pavinny supiarečyć hetym abaviazańniam.
