Pucin upeŭnieny, što rasijskaje ŭzbrajeńnie apieradžaje zachodniaje na hady i dziesiacihodździ
Padčas siońniašniaha vystupleńnia na adkryćci forumu «Armija-2022» u parku «Patryjot» prezident Rasii Uładzimir Pucin paraŭnaŭ rasijskaje i zamiežnaje ŭzbrajeńnie. Jon nie sumniavajecca, što rasijskaje ŭzbrajeńnie pa taktyka-techničnych charaktarystykach u značnaj stupieni pieraŭzychodzić zamiežnyja anałahi, a taksama apiaredžvaje ich na hady i navat dziesiacihodździ, piša TASS.
Uładzimir Pucin ź ministram abarony Siarhiejem Šajhu. Fota: Sputnik, Kremlin Pool Photo via AP
Pucin padkreśliŭ, što asablivaja ŭvaha nadajecca ŭzoram i sistemam zbroi budučyni. Havorka idzie, maŭlaŭ, u pieršuju čarhu pra vysokadakładnuju zbroju i robatatechniku.
Miž tym paŭhoda raźviazanaj Rasijaj vajny va Ukrainie nie nadta paćviardžajuć hetyja aptymistyčnyja acenki. Ničoha asablivaha ŭ techničnym płanie rasijskaja armija za ŭvieś hety čas nie prademanstravała, zdabyvajučy niekatoryja taktyčnyja pieramohi tolki za košt ahulnaj pieravahi ŭ siłach i pieraŭtvarajučy harady ŭ ruiny.
Zachodnija i ŭkrainskija analityki časta adznačajuć, što Rasija ŭsio bolš vykarystoŭvaje sastarełyja ŭzory techniki i bojeprypasaŭ, vysokadakładnaściu jaje rakietnyja ŭdary vyznačajucca daloka nie zaŭsiody. Amierykanskim ža HIMARS-am pakul što efiektyŭnaha supraćdziejańnia rasijskija vojski akazvać uvohule nie mohuć.
