Parasia, jakoje ŭčora bačyli ŭ centry Maładziečna, prabiehła 20 kiłamietraŭ
Ščaśliva zaviaršyłasia historyja z parasiom, jakoha bačyli ŭčora ŭ centry Maładziečna. Źbiehłaha złavili žychary doma №30 na Vilenskaj vulicy, pakłali jaho ŭ miašok i addali haspadaram. Hrošaj u jakaści ŭznaharodžańnia brać nie chacieli, piša Minskaja praŭda.
Parasia ŭ Turec-Bajarach źbiehła z pryvatnaha padvorka ranicaj 13 žniŭnia, pieraskočyŭšy paŭtaramietrovuju zaharodku ŭ chlavie i prabraŭšysia pad dźviaryma.
Na vychodnych parasia padarožničała pa Maładziečnie. U svaim pachodzie z Turec-Bajaraŭ da Maładziečna jano pieraadoleła kala 20 kiłamietraŭ.
Zabrała parasia dačka haspadaroŭ Anastasija. Jana patelefanavała žurnalistam i raspaviała:
— Usio! Viazu biehlaka ŭ miašku baćkam. Siońnia ranicaj mnie patelefanavała žančyna i paviedamiła, što parasia biehaje na Vilenskaj vulicy kala doma № 30. Ja adrazu vyjechała na miesca. Pakul dabrałasia, ludzi, jakija žyvuć u hetym domie, jaho ŭžo złavili. Haspadar — mužčyna hadoŭ 60-ci zasunuŭ parasia ŭ miašok. Ja, jak i abiacała, prapanavała ŭznaharodu ŭ 50 rubloŭ. Haspadary naadrez admaŭlalisia. Jakija ž usio-tki dobryja ŭ nas ludzi! Pryjšłosia pakłaści hetyja 50 rubloŭ im na stoł i ŭciačy.
Ci buduć rabić niejkija zachady ŭ dalejšym haspadary, kab parasia bolš nie ŭciakała, nieviadoma.
nu choť mir posmotrieł. budut hrieť jeho vospominanija o viesiełych priklučienijach dołhimi osieńnimi viečierami, poka odnaždy nie otpraviat jeho v raj dla śviniej