Prezident Łatvii: Varta anulavać dazvoły na žycharstva i vizy tym, chto nastrojeny pa-prakramloŭsku
Łatvija pavinna pierahledzieć užo vydadzienyja dazvoły na žycharstva i anulavać vizy tym, chto padtrymlivaje rasijskuju ahresiju. Pra heta zajaviŭ prezident krainy Ehił Levits u svajoj pramovie, piša Delfi.
Jon paviedamiŭ, što dazvoły na žycharstva nadalej nie pavinny vydavacca tym pastajannym žycharam Łatvii, jakija ŭ budučyni prymuć rasijskaje hramadzianstva.
«Jany pavinny buduć pakinuć našu krainu», — skazaŭ palityk.
«Handal papiarednimi ŭradami dazvołami na žycharstva, ich nieapraŭdanaja ščodraść u vydačy dazvołaŭ na žycharstva rasijskim hramadzianam, za jakoj chavalisia tolki karyślivyja intaresy niekatorych palityčnych biznesmienaŭ, stvaryli ryzyki biaśpiecy i paspryjali dvuchmoŭju. Pryjšoŭ čas pravieści reviziju nastupstvaŭ hetaj niaŭdałaj i niebiaśpiečnaj palityki», — zajaviŭ Levits.
Taksama palityk skazaŭ, što Rasija, u jakich by dziaržaŭnych farmatach jana b nie isnavała, zaŭsiody była impierskaj i pahrozaj svaim susiedziam.
«Zabojstva niavinnych ludziej, katavańni, źniavahi, departacyi, pazbaŭleńnie čałaviečaj hodnaści — usio, što siońnia adbyvajecca va Ukrainie, adbyvałasia i tut, u nas, u Łatvii», — skazaŭ kiraŭnik Łatvii.
Levits nahadaŭ, što Łatvija nie vydaje turystyčnych viz rasijanam užo ź pieršaha dnia vajny. Adnak inšyja krainy praciahvajuć heta rabić.
