U Čarnahoryi mužčyna adkryŭ ahoń pa ludziach na vulicy, jak minimum 11 zahinuli
U čarnahorskim horadzie Cecinie ŭ piatnicu dniom nieviadomy adkryŭ stralbu pa ludziach u spalnym rajonie, jość zahinułyja i paranienyja. Pra heta paviedamlajuć miascovyja vydańni RTV Cetinje i Vijesti.
Fota: RTV Cetinje
Adznačajecca, što incydent adbyŭsia kala 16:00 pa miascovym časie — tady mužčyna raptam adkryŭ ahoń pa minakach.
Pa dadzienych RTCG, u vyniku stralaniny zahinuli jak minimum 11 čałaviek i jašče šaściora atrymali ranieńni, u tym liku dzieci. U hety čas u Cecinie sabraŭsia maładziožny łahier.
Viadoma, što adzin z palicejskich atrymaŭ ranieńnie ŭ hałavu, a jak minimum dvuch čałaviek, pažyłuju žančynu i mužčynu, pieravieźli ŭ kliničny centr Čarnahoryi.
Napadnik zahinuŭ — ci padčas pierastrełki z palicyjaj, ci zastreliŭsia sam. Pavodle źviestak partała In4s, heta 34-hadovy miascovy žychar Vučka Baryłavič. Pryčynaj stralaniny stała, vierahodna, siamiejnaja svarka.
