Byłoha kamandzira MNS asudzili da 1,5 hadoŭ kałonii za łajk pad kamientarom
12 žniŭnia palitźniavolenamu Alaksandru Kurhanskamu prysudzili 1,5 hoda pazbaŭleńnia voli ŭ kałonii ahulnaha režymu. Zhodna z rašeńniem sudździ Hrodzienskaha abłasnoha suda Alaksandra Kozieła, taksama jon musić vypłacić 50 bazavych vieličyń štrafu (1600 rubloŭ), piša «Viasna».
Viadoma, što dziaržabvinavaŭca prasiŭ pakarać palitźniavolenaha čatyrma hadami pazbaŭleńnia voli ŭ kałonii ahulnaha režymu.
Padstavaj dla zatrymańnia Alaksandra staŭ łajk, jaki mužčyna pastaviŭ na kamientar inšaha čałavieka ŭ zapisie pra abmierkavańnie pierastrełki pamiž ajcišnikam Andrejem Zielceram i supracoŭnikam KDB Dźmitryjem Fiedasiukom.
Viadoma, što Kurhanski bolš za 15 hadoŭ prapracavaŭ u MNS. Pierad zatrymańniem byŭ kamandziram adździaleńnia ŭ čaści № 7 u Hrodnie. Paśla zatrymańnia jaho zvolnili i abaviazali vypłacić siem tysiač rubloŭ pa kantrakcie.
